AaGIC yn egluro eu cynlluniau ar gyfer creu cymru fwy cyfartal
Heddiw, mae Addysg a Gwella Iechyd Cymru (AaGIC) wedi lansio eu Cynllun Cydraddoldeb Strategol (CCS) 2020-2024.
Wedi'i greu gan ddefnyddio adborth o broses ymgynghori ac ymgysylltu gadarn, mae'r CCS yn nodi cyfeiriad AaGIC am y pedair blynedd nesaf, gan esbonio sut y byddant yn gweithio i hyrwyddo cydraddoldeb, dileu gwahaniaethu a meithrin cysylltiadau da rhwng y rhai sy'n rhannu nodwedd warchodedig a'r rhai nad ydynt yn gweithio.
Mae amcanion allweddol y cynllun yn cynnwys:
- cynyddu amrywiaeth a chynhwysiant y gweithlu,
- mynd i'r afael â bylchau cyflog,
- ymgysylltu â'r gymuned,
- sicrhau bod cydraddoldeb yn rhan annatod o'r broses gaffael/comisiynu a'i fod yn cael ei reoli drwy gydol y ddarpariaeth; a
- sicrhau bod y gwasanaeth a ddarperir yn adlewyrchu angen unigol.
Mae lansio'r CCS hefyd yn datgan yn ffurfiol ymrwymiad AaGIC i fod yn rhan o Bartneriaeth Cydraddoldeb Cyrff Cyhoeddus cyntaf Cymru. Mae'r grŵp hwn o 11 o sefydliadau'r sector cyhoeddus wedi dod ynghyd i rannu adnoddau, mewnwelediad ac arbenigedd er mwyn hyrwyddo cydraddoldeb ar draws pob maes.
Drwy'r dull gweithredu cyfunol hwn, mae’r WPBEP yn gweithio i ymateb i'r heriau a nodir yn yr adroddiad 'A yw Cymru'n Decach, 2018' tra'n adlewyrchu egwyddorion Deddf Llesiant Cenedlaethau'r Dyfodol (Cymru).
Dywedodd Prif Weithredwr AaGIC, Alex Howells “Rwy’n falch o arwain sefydliad sydd wir yn credu mai creu Cymru deg a chynhwysol yw’r peth iawn i’w wneud.
“Mae'r CCS newydd hwn yn dangos ein hymrwymiad i fod yn gyflogwr enghreifftiol trwy greu a hyrwyddo amgylchedd mwy teg a chynhwysol i bawb.”
O dan Ddyletswydd Cydraddoldeb y Sector Cyhoeddus (PSED), sy'n rhan o Ddeddf Cydraddoldeb (2010), mae'n ofynnol i gyrff rhestredig yng Nghymru adolygu eu hamcanion cydraddoldeb presennol o leiaf bob pedair blynedd.