Addysg a Hyfforddiant Amlbroffesiynol ym maes Gofal Sylfaenol a Chymunedol

Beth yw gofal sylfaenol a chymunedol?

Mae gofal sylfaenol a chymunedol yn cyfeirio at wasanaethau gofal iechyd y mae cleifion yn aml yn eu derbyn yn gyntaf. Rhai enghreifftiau o hyn yw meddygon teulu (ymarfer cyffredinol), fferyllwyr cymunedol, deintyddion, ac optometryddion ymhlith eraill.

Gofal sylfaenol a chymunedol yn AaGIC

Mae Addysg a Gwella Iechyd Cymru (AaGIC) yn un o nifer o sefydliadau sy'n gyfrifol am weithredu Cymru Iachach. Dyma gynllun hirdymor Llywodraeth Cymru ar gyfer iechyd a gofal cymdeithasol yng Nghymru.

Wrth wraidd hyn yw’r nod i gynnig gwasanaethau sy'n briodol i anghenion unigol pobl ac sy'n cael eu darparu ar raddfa gofal sylfaenol a chymunedol.

Felly, mae ein timau'n gweithio i helpu

Deall pwy sy'n ffurfio'r gweithlu gofal iechyd yng Nghymru
Cynorthwyo’r cyfraniad a wneir gan bawb
Gwerthuso pwy sydd yn man gorau i ddarparu gofal
Darparu cyfleoedd i bobl ehangu eu sgiliau a'u harbenigedd, waeth beth yw eu hymlyniad proffesiynol, pwy yw eu cyflogwr, neu eu lleoliad
Cryfhau'r addysg, yr hyfforddiant a'r datblygiad sydd ar gael i'r gweithlu gan ganolbwyntio ar wella sgiliau am gyrfa gyfan
Cynorthwyo iechyd a lles y gweithlu

Fframwaith Addysg a Hyfforddiant Amlbroffesiynol Cynradd a Chymunedol

Gan weithio gyda phartneriaid, rydym yn datblygu Fframwaith Addysg a Hyfforddiant Cynradd a Chymunedol Amlbroffesiynol.

Mae hyn yn rhan hanfodol o'r broses ail-gychwyn ac adferiad ar ôl Covid-19 ac mae'n sylfaen i gyflwyno'r Rhaglen yn strategol ar gyfer Gofal Sylfaenol.

Ein nod yw:

Datblygu ac ehangu’r gweithlu amlbroffesiynol sy'n ategu'r Model Gofal Sylfaenol
Darparu hyfforddiant a datblygiad o ansawdd uchel i bob grŵp proffesiynol yn seiliedig ar safonau clir a chyson
Buddsoddi yn natblygiad cynaliadwy'r gweithlu Sylfaenol a Chymunedol i wella recriwtio a chadw.

Rydym wedi ymgysylltu’n eang yn ôl y cynnig a fydd yn:

Sefydlu Uned Addysg a Hyfforddiant Sylfaenol a Chymunedol Amlbroffesiynol Cymru gyfan o fewn AaGIC, gan weithio ochr yn ochr â Deoniaethau presennol ac Addysg Nyrsio a Gweithwyr Iechyd Proffesiynol.
Gweithio mewn partneriaeth â Byrddau Iechyd i ddatblygu Academïau amlbroffesiynol ar draws y Byrddau Iechyd a fydd yn darparu’r ysgogiad i ddatblygu addysg a hyfforddiant ar raddfa leol.
Sefydlu fframwaith a safonau llywodraethu addysg cenedlaethol a fydd yn sicrhau darpariaeth o addysg a hyfforddiant teg a chyson ledled Cymru.
Datblygu a helaethu mecanweithiau i hyfforddi, datblygu a chynorthwyo addysgwyr a goruchwylwyr ar draws ystod o ddisgyblaethau yn unol â'r arferion gorau.
Ehangu a chyfnerthu lleoliadau clinigol ym maes gofal sylfaenol a chymunedol.
Ategu'r gwaith o gynllunio’r gweithlu ar draws gwasanaethau sylfaenol a chymunedol gan flaengynllunio rhaglenni addysg a hyfforddiant yn well.
Llywio'r gwaith o gomisiynu'r rhaglenni addysg a hyfforddiant ôl-raddedig ym maes gofal sylfaenol a chymunedol drwy'r Cynllun Addysg a Hyfforddiant blynyddol, sy'n un o swyddogaethau statudol AaGIC.

Uned Addysg a Hyfforddiant Amlbroffesiynol AaGIC

Yn ystod 2022, mae uned newydd yn cael ei sefydlu o fewn AaGIC. Bydd yr uned newydd yn gyfrifol am ddarparu addysg a hyfforddiant amlbroffesiynol mewn gofal sylfaenol a chymunedol.

Bydd yn:

Gweithio ochr yn ochr â Deoniaethau presennol a'n swyddogaeth Addysg Nyrsio a Gweithwyr Iechyd Proffesiynol i gynllunio a darparu rhaglenni cenedlaethol (bydd ein rhaglen hyfforddi genedlaethol gyntaf yn canolbwyntio ar Nyrsio Mewn Ymarfer Cyffredinol)
Gweithio'n agos gyda Byrddau Iechyd i sefydlu academïau
Darparu adnoddau er mwyn i Academïau osod rhwydwaith mewnol
Gosod safonau fel bod gan ddysgwyr a myfyrwyr fodd teg o gyrchu addysg a hyfforddiant o ansawdd
Datblygu cynlluniau gweithlu cenedlaethol er mwyn sicrhau i'r dyfodol bod gweithwyr proffesiynol medrus ar gael
Cynorthwyo datblygiad o dimau amlbroffesiynol drwy addysg a hyfforddiant.
Comisiynu addysg israddedig ac ôl-raddedig a gweithio ar y cyd â sefydliadau addysg uwch ac addysg bellach i ddatblygu rhaglenni hyfforddi a chyrsiau sy'n diwallu anghenion y gweithlu mewn rolau clinigol ac anghlinigol gan gynnwys cyfleoedd dysgu yn seiliedig ar waith
Ehangu capasiti lleoliadau clinigol ym maes gofal sylfaenol
Ategu'r gwaith o ddatblygu modelau gweithlu newydd trwy ailgynllunio rolau
Datblygu offer ac adnoddau i gyfoethogi datblygiad y gweithlu gan gynnwys fframweithiau cymhwysedd a llwybrau gyrfa.

Academïau

Bydd Academi ar gyfer bob Bwrdd Iechyd yn unigol a fydd yn cydlynu ac yn traddodi hyfforddiant ac addysg.

Bydd academïau'n gweithio'n agos gyda'r Uned Amlbroffesiynol trwy rwydwaith, arweinwyr y gweithlu lleol, a'r gweithlu o fewn gofal sylfaenol a chymunedol.

Bydd Academïau’n gyfrifol am y canlynol:

Asesu anghenion addysg a hyfforddiant lleol
Cynorthwyo timau amlbroffesiynol lleol i weithio yn effeithiol ar y cyd i sicrhau potensial lawn drwy addysg a hyfforddiant
Cynllunio anghenion gweithlu'r dyfodol i lywio comisiynu addysg genedlaethol a lleoliadau hyfforddi
Darparu cymorth i sicrhau bod modd i staff gofal sylfaenol a chymunedol ddatblygu eu sgiliau
Datblygu’r gallu lleol i ehangu amgylcheddau hyfforddi a sicrhau rhagor o addysgwyr.

Bydd rhagor o wybodaeth am academïau ar gael ar ein gwefan yn fuan.