Cefnogaeth gyrfa

Gall llywio gyrfa feddygol fod yn heriol. Ar yr adegau hyn, gall hyd yn oed y dewis i fod yn feddyg fod yn amheus.

Pan ddaw materion gyrfa i'r amlwg mewn sgyrsiau, rydym yn trafod teimladau a chynlluniau yn agored a heb unrhyw farn.

Mae ein tudalennau gwe gyrfaoedd meddygol yn helpu hyfforddeion gydag agweddau ar benderfynu, archwilio ac ailfeddwl am lwybrau gyrfa. Mae yna hefyd adnoddau i hyfforddwyr i danategu ac arwain sgyrsiau gyrfaoedd.

Mae gwefannau defnyddiol eraill yn cynnwys:

• Archwilio opsiynau arbenigedd (gweler Colegau Brenhinol unigol am ragor o fanylion)
• Opsiynau ehangach i feddygon
• Ymchwil Academaidd/clinigol
• Gyrfaoedd amgen
• Gwasanaethau cyngor gyrfaoedd Cymdeithas Feddygol Prydain (BMA).

Gweithdai

Rydym yn cynnig gweithdy sy'n ymdrin â modelau a dulliau o gynllunio gyrfa feddygol. Gellir cyflwyno hyn mewn person, trwy eich canolfan addysg ôl-raddedig leol, neu o bell ar gyfer hyfforddwyr neu hyfforddeion. Mae’r sesiwn yn amlinellu cyfnodau allweddol mewn cynllunio gyrfa, gan dynnu ar ddamcaniaethau a modelau gyrfa sefydledig, ac mae’n cwmpasu:

• dulliau o ddehongli a llywio'r llwybr gyrfa feddygol
• heriau gyrfa a wynebir fwyaf gan hyfforddeion (a pha rai y gellid cysylltu â goruchwylwyr yn eu cylch)
• ymagwedd bedwar cam cydnabyddedig at gynllunio gyrfa a sgyrsiau gyrfa
• ffynonellau gwybodaeth ac adnoddau i helpu gyda gwahanol anghenion cymorth gyrfa.

I archebu lle neu am fwy o wybodaeth cysylltwch â: HEIW.Workshops.PSU@wales.nhs.uk.