Gwybodaeth am wasanaethau llyfrgell

Mae llyfrgelloedd ysbytai GIG Cymru a llyfrgelloedd iechyd Prifysgol Caerdydd yn cydweithio yng Ngwasanaeth Llyfrgell a Gwybodaeth GIG Cymru sy’n sail i’r gwasanaeth llyfrgell iechyd yn GIG Cymru.

Mae llyfrgelloedd amlddisgyblaeth mewn 24 o safleoedd ysbytai ar draws GIG Cymru sy’n cynnig amrywiaeth o wasanaethau.

Nod llyfrgellwyr yw darparu gwasanaeth cyfeillgar a chymwynasgar gyda lle yn y llyfrgell ar gyfer astudio a myfyrio preifat, cyfrifiaduron, mynediad i wi-fi, yn ogystal â llungopïwr/sganwyr a pheiriannau argraffu. Mae’r rhan fwyaf o lyfrgelloedd yn gallu cynnig mynediad 24 awr.

Aelodaeth

Mae aelodaeth yn agored i staff GIG Cymru a myfyrwyr iechyd israddedig ar leoliad clinigol hefyd. Cysylltwch â’ch llyfrgell lleol i gael rhagor o wybodaeth. Gallwch wneud cais am aelodaeth.

Gwasanaethau llyfrgell

Mae pob llyfrgell yn darparu ystod eang o wasanaethau gan gynnwys:

• Gwasanaeth ymholiadau
• Casgliadau o lyfrau a chofnodion mewn print ac yn electronig, gyda thestun llawn, y gellir ei chwilio yn ein catalog ar-lein NHS Wales LibrarySearch
• Hyfforddiant sgiliau gwybodaeth gan gynnwys defnyddio e-Lyfrgell Iechyd GIG Cymru
• Chwilio am lenyddiaeth a chymorth gydag adolygiadau systematig o lenyddiaeth
• Yr wybodaeth ddiweddaraf am ymwybyddiaeth gyfredol
• Cyngor ar hawlfraint
• Cyflenwad o lyfrau ac erthyglau nad ydynt ar gael yn lleol
• Mannau astudio a chyfleusterau TG
• Gwasanaethau allgymorth – lle mae'r llyfrgell yn dod atoch chi
• Cyfleusterau llungopïo/sganio, cyfrifiaduron rhwydwaith a pheiriannau argraffu
• Gwasanaeth wi-fi Eduroam mewn llyfrgelloedd ym Mwrdd Iechyd Prifysgol Caerdydd a’r Fro, Bwrdd Iechyd Prifysgol Cwm Taf Morgannwg, Bwrdd Iechyd Prifysgol Hywel Dda, Bwrdd Iechyd Prifysgol Bae Abertawe ac Ymddiriedolaeth Prifysgol GIG Felindre

Mae’r holl wasanaethau llyfrgell yn seiliedig ar ymrwymiad i ofal cwsmeriaid rhagorol.

Cysylltwch â’ch llyfrgell lleol i gael rhagor o wybodaeth a sut i ymuno.

NHS Wales LibrarySearch

Chwiliwch drwy gatalog llyfrgell a rennir NHS Wales LibrarySearch am lyfrau a chyfnodolion, a chasgliadau e-lyfrgell Iechyd GIG Cymru.

• Awgrymiadau hanfodol ar gyfer chwilio ar Google Scholar GIG Cymru
• Cyfrif NHS Wales LibrarySearch
• Chwilio am adnoddau gan ddefnyddio NHS Wales LibrarySearch

Dilynwch ni

Mae Gwasanaeth Llyfrgell a Gwybodaeth GIG Cymru yn postio ar y cyfryngau cymdeithasol canlynol yn rheolaidd.