Gallwn gynnig cymorth o'r radd flaenaf i chi os gwnewch chi gysylltu â ni ar ddechrau eich cyfnod astudio – argymhellir eich bod yn neilltuo 6-9 mis i baratoi ar gyfer eich arholiadau.
Os ydych chi’n sylwi bod bylchau yn eich gwybodaeth neu’ch sgiliau clinigol, cysylltwch â’ch Goruchwyliwr Addysgol a/neu Glinigol i gael cymorth – maen nhw yn y sefyllfa orau i gynnig y cyfleoedd sydd eu hangen arnoch i ddatblygu.
Gall cymorth gydag arholiadau gael ei ddarparu fel hyfforddiant 1:1 er mwyn edrych ar eich dulliau adolygu a sefydlu cynllun astudio.
Rydyn ni’n cynnig cyfres o dri gweithdy sy’n canolbwyntio ar adolygu a pharatoi ar gyfer arholiadau. Maen nhw’n cael eu cynnal 4 gwaith y flwyddyn neu ar gais. Rydyn ni’n nodi strategaethau ar gyfer delio â gorbryder a straen, rheoli’ch hun a’ch amser, ac yn cynnig cyfle i gael cefnogaeth gan gymheiriaid a rhwydweithio.
Mae cymorth gan therapyddion allanol ar gael drwy Skype ar gyfer unrhyw un sy’n dioddef o orbryder ynghylch arholiadau.
Yn dilyn Prawf QuickScan i Sgrinio ar gyfer Dyslecsia, efallai y bydd hyfforddeion yn cael eu cyfeirio at seicolegydd addysg i gael asesiad dyslecsia.
Sylwch: dydy cymorth gydag arholiadau