Mae deall yr hyn y mae ein partneriaid, rhanddeiliaid, a defnyddwyr gwasanaethau ei angen gennym, a sut y gallwn eu cefnogi orau, yn flaenoriaeth allweddol i AaGIC.
I gyflawni hyn, mae’n bwysig ein bod yn cyfathrebu ac yn ymgysylltu â hwy yn rheolaidd, a thrwy sianelau amrywiol.
Mae ein rhanddeiliaid wedi dweud wrthym sut maen nhw eisiau i’n dulliau o gyfathrebu ac ymgysylltu â hwy edrych:
| Cyfathrebu |
Ymgysylltu |
| Agored |
Cydweithredol |
| Clir |
Arloesol/calonogol |
| Cynhwysol |
Cynrychioliadol |
| Heb wahanu (e.e. clinigol ac anghlinigol) |
Rhoi adborth/canlyniadau |
| Eglur |
Ymateb i gynulleidfaoedd |
| Cadarnhaol |
Mapio rhanddeiliaid i lywio’r fframwaith |
| Dynamig a rhagweithiol |
Lefelau gwahanol o berthynas a blaenoriaethau |
| Cyson |
Rheoli disgwyliadau |
| Ysbrydoledig |
Gwrando |
| Cyffrous |
Dwy ffordd |
| Dylanwadol |
Negeseuon priodol ar gyfer cynulleidfaoedd penodol |
Felly, gwnawn yr ymrwymiad canlynol:
- Parhau gyda’n bwletin misol i randdeiliaid i roi’r wybodaeth ddiweddaraf iddynt am gynnydd;
- Defnyddio’r cyfryngau cymdeithasol i hysbysu a diweddaru;
- Cynnal gweithdai chwarterol yn ystod y 12 mis cyntaf i barhau i roi diweddariad ar gynnydd, cyn i’r dulliau gweithredu ffurfiol gael eu sefydlu;
- Cynnal rhith-grwpiau gwaith ar bynciau allweddol (e.e. strategaeth y gweithlu);
- Mynychu a chymryd rhan mewn dulliau gweithredu cenedlaethol allweddol – cyfarfodydd Prif Swyddogion Gweithredol, yr holl gyfarfodydd ar gyfer grwpiau cymheiriaid, Fforwm Partneriaeth Cymru, cysylltiadau i adnoddau cynghori Llywodraeth Cymru;
- Parhau i gynnwys rhanddeiliaid a phartneriaid yn y gwaith o ddatblygu ein rhaglen/cynllun gwaith blynyddol, gan ddefnyddio dulliau ymgysylltu amrywiol;
- Sicrhau bod cytundebau a dealltwriaeth ffurfiol yn sail i bartneriaethau allweddol;
- Datblygu map a model rhanddeiliaid clir erbyn mis Mawrth 2019.