Mae AaGIC yn darparu rhaglen hyfforddiant Technegwyr Fferyllol Cyn-cofrestru drwy gyfrwng Fframwaith Prentisiaeth Fodern a ariennir gan Lywodraeth Cymru.
Mae'r rhaglen hyfforddiant ‘seiliedig ar waith’ yn cael ei chyflwyno drwy gyfrwng dysgu cyfunol gyda chymysgedd o ddigwyddiadau astudio ac asesiadau rheoledig rhithwir ac wyneb yn wyneb. Mae'n ofynnol i dechnegwyr fferyllol cyn-cofrestru (PRPT) arddangos eu gwybodaeth a'u cymhwysedd mewn lleoliad fferyllol.
Er mwyn cwblhau’r rhaglen hyfforddiant rhaid i unigolion gael eu cyflogi mewn lleoliad fferyllol.
Y meini prawf mynediad ar gyfer y rhaglen hyfforddiant yw lleiafswm o bedwar TGAU gradd A* - C (graddau newydd 9 - 4) neu gyfwerth gan gynnwys:
• TGAU Mathemateg Gradd C/Lefel 4 neu uwch
• TGAU Gwyddoniaeth Gradd C/Lefel 4 neu uwch neu Gymhwyster Cenedlaethol yr Alban 5 neu gyfwerth
Am ragor o wybodaeth, cysylltwch â HEIWPrptprogramme@wales.nhs.uk