Her 7 - Senario Sy'n Seiliedig Ar Ymarfer

Croeso i Her 7. Ar gyfer y trydydd senario sy'n seiliedig ar ymarfer, rydym yn archwilio rhwystrau ieithyddol a’r dulliau y gellir eu defnyddio i alluogi cyfathrebu mwy effeithiol.

Fyfyrwyr MPharm... hoffech chi fod yn rhan o hyn?

Mae myfyrwyr Ysgol Fferylliaeth a Gwyddorau Fferyllol Caerdydd yn cynnal prosiect yn edrych ar ymwybyddiaeth ddiwylliannol o fyfyrwyr fferylliaeth. Os byddai gennych ddiddordeb mewn cymryd rhan mewn grŵp ffocws gyda myfyrwyr MPharm eraill ar y pwnc hwn, llenwch eich manylion yma.

Cwblhewch y senario rhyngweithiol hwn sy'n seiliedig ar ymarfer i ddysgu mwy am stori Sion ac ateb y cwestiynau.

Gall dewis iaith fod yn rhywbeth sy'n angenrheidiol yn hytrach nac yn ddewis i rai cleifion. Gall ansawdd gofal gael ei beryglu gan y methiant i gyfathrebu â phobl yn eu hiaith ddewisol a gall rhwystrau ieithyddol achosi risg iechyd difrifol. Mae'n bwysig i weithwyr gofal iechyd proffesiynol reoli'r risg hon yn briodol er mwyn sicrhau bod unrhyw wybodaeth a gaiff ei chyfleu yn gywir ac yn cael ei deall gan y claf.

Yna cymerwch ychydig o amser i fyfyrio ar eich ymarfer eich hun ac unrhyw anghenion dysgu a nodwyd. Os ydych wedi nodi unrhyw anghenion dysgu ychwanegol, neu os hoffech ddatblygu eich dysgu ymhellach, bydd adnodd cyfeirio ar gael ar ddiwedd yr ymgyrch a fydd yn darparu dolenni i becynnau darllen ac e-ddysgu ychwanegol.

Er bod y senario hwn yn ymwneud â fferylliaeth gymunedol, gellir defnyddio'r dysgu ar draws pob sector ymarfer.

I gael rhagor o wybodaeth am yr iaith Gymraeg o fewn Gofal Sylfaenol cliciwch yma.