Hyfforddiant Cynnal Bywyd Sylfaenol mewn Practis

Mae gan Bractisau Deintyddol Ymarfer Cyffredinol gyda chontract GIG nawr yr hawl am hyfforddiant cynnal bywyd sylfaenol ac argyfwng meddygol sydd wedi ei drefnu gan AaGIC.

Mae™r Adran Ddeintyddol wedi cyflwyno dull cymysg ar gyfer hyfforddiant cynnal bywyd sylfaenol ac argyfwng meddygol deintyddol. Ar â´l cwblhau modiwl dysgu ar-lein (DPP 1 awr), gall Timau Deintyddol o fewn Practisau Deintyddol Cyffredinol ategu'r hyfforddiant hwn â sesiwn ymarferol yn eu practis (DPP 1 awr), a gynhelir gan ein Darparwyr Hyfforddiant a gomisiynwyd gennym.

Mae cwblhau'r ddau gwrs yn bodloni meini prawf DPP uwch y GDC ac yn cynrychioli 2 awr o DPP gwiriadwy.

I gael rhagor o wybodaeth ac arweiniad ar sut i archebu'r hyfforddiant hwn, lawrlwythwch a darllenwch y Cwestiynau Cyffredin a'r Siart Llif.

• Modiwl Dysgu Ar-lein - Gall Gweithwyr Deintyddol Proffesiynol gwblhau'r modiwl dysgu ar-lein trwy ein System Rheoli Dysgu newydd, Y Ty Dysgu. Cofrestrwch yma os nad ydych wedi cofrestru am gyfrif eto - Sign up - Ytydysgu Heiw (DS - dim ond un cyfrif sydd ei angen arnoch. PEIDIWCH â chreu cyfrif arall os ydych wedi cofrestru o'r blaen ar y system hon). Darllenwch y Cwestiynau Cyffredin i gael gwybodaeth fanwl am sut i gael mynediad at y modiwl. Mae cwblhau'r modiwl hwn yn cyfateb i 1 awr o DPP gwiriadwy.

• Sesiwn o Fewn Practis - Bydd angen i bob Deintyddfa sy'n dymuno cwblhau'r sesiwn ymarferol yn ei bractis, gwblhau'r ffurflen gofrestru ar-lein er mwyn i ni allu coladu manylion gofynnol y practis. Unwaith y bydd y ffurflen hon wedi'i chwblhau, cysylltwch â darparwr hyfforddiant Resus ar gyfer ardal eich Bwrdd Iechyd yn unig , i drefnu dyddiad ar gyfer eich sesiwn practis. Mae cwblhau'r hyfforddiant mewn-ymarfer hwn yn cyfateb i DPP 1 awr y gellir ei wirio.